ERA DE MAGGIO

http://webhost.bridgew.edu/lucca/galleries/quicklook/images/Fiori%20(flowers).jpg
Era de maggio, e te cadeono `nzino
a schiocche a schiocche li ccerase rosse…
Fresca era ll`aria e tutto lu ciardino
addurava de rose a ciente passe.
Era de maggio – io, no, nun me ne scordo –
`na canzone contàvemo a ddoie voce:
cchiù tiempe passa e cchiù me n`allicordo
fresca era ll`aria e la canzone doce.
E diceva: “Core, core!
Core mio luntano vaie:
tu me lasse e io conto l`ore
chi sa quanno turnarraie!”
Rispunnev`io: “Turnarraggio
quanno tornano li rose
si stu sciore torna a maggio
pure a maggio io stonco ccà”.
E sò turnato, e mò, comm`a na vota,
cantammo nzieme lu mutivo antico;
passa lu tiempo e lu munno s`avota, ma ammore vero, no, nun vota vico.
De te, bellezza mia, m`annammuraie,
si t`allicuorde, nnanze a la funtana:
l`acqua llà dinto nun se secca maie
e ferita d`ammore nun se sana.
Nun se sana; ca sanata
si se fosse, gioja mia,
mmiezo a st`aria mbarzamata
a guardarte io nun starria!
E te dico: – Core core!
core mio, turnato io sò
torna maggio e torna ammore,
fa de me chello che vuò!
ERA DE MAGGIOultima modifica: 2008-10-29T21:21:42+01:00da ritina5
Reposta per primo quest’articolo

2 pensieri su “ERA DE MAGGIO

I commenti sono chiusi.